Albóndegas en salsa

Temporada: Todo o ano     Persoas: 2

Ingredientes:

• 200 grs de carne de tenreira
• 200 grs de carne de porco
• 3 dentes de allo
• 2 cebolas
• 2 ovos
• Leite
• Fariña
• Pan relado
• Perexil picado
• 1 cenoria
• 1 pemento vermello
• 3 tomates
• Viño branco
• Ourego
• Sal
• Azucre
• Aceite de oliva
• 
  
• Instrucións: 
• 
  
• Para prepara-las albóndegas faise un picadiño coas carnes, 1 cebola, 1 dente de allo, o perexil picado, os 2 ovos, un chorriño de leite e pan relado. Envólvesen en fariña, frítense e resérvanse. Nunha tixola prepárase a salsa de cinco verduras: 1 pemento vermello, 1 cebola, 1 cenoria e 2 dentes de allo. Antes de engadi-los 3 tomates pelados e limpos de pepiñas, incorpórase unha cullerada de fariña, viño branco e sal e, xa cos tomates, unha pizca de azucre. Déixanse cocer tódalas verduras 15 minutos e logo se trituran e colan. Na salsa resultante, que se condimenta con ourego, cócense as albóndegas de 20 a 25 minutos. Sérvense acompañadas de patacas fritas ou de macarróns cocidos.